Biotexnologiya va oziq-ovqat xavfsizligi kafedrasi

O’zbekiston Respublikasi Oliy va o’rta maxsus ta’lim vazirligi kollegiyasining 1992 yil 29.05. 5/5-sonli qarori bilan Buxoro davlat universiteti tarkibida qishloq xo’jaligi va geografiya fakulteti tashkil topgan. 2014 yil 2 sentyabrdan Tuproqshunoslik va geografiya kafedrasi deb yuritilgan. 2019 yil 29-30 mart kunlarida Prezidentimizning Buxoro viloyatiga tashriflari chog’ida Agrar sohani isloh qilish unga ilmiy nuqtai-nazardan yondashish zarurligini ta’kidlab, Buxoroda Agronomiya va biotexnologiyalar yo’nalishi bo’yicha institut tashkil etish to’g’risidagi takliflari, O’zbekiston Respublikasi Vazirlar Mahkamasining 2019 yil 29 maydagi 14/1-1074-son topshiriqlariga asosan Buxoro davlat universiteti tarkibida Agronomiya va biotexnologiya fakulteti sifatida tashkil etish belgilangan. Oliy va o’rta maxsus ta’lim Vazirligining 2019 yil 10 iyundagi 513-son buyrug’i hamda Buxoro davlat universiteti rektorining 2019 yil 15 iyundagi 573-U-son buyrug’i ishlab chiqilib, universitet tarkibida yangi Agronomiya va biotexnologiya fakulteti tashkil etilgan. 1995 yilda kafedra mudiri lavozimida b.f.d., prof. S.Bo’riyev faoliyat yuritgan. Kafedra qoshida “Biotexnologiya muammolari” ilmiy laboratoriyasi ochilgan. Ushbu laboratoriyaning asosiy yo’nalishlari “Buxoro viloyatidagi oqava va kollektorlar suvlarini tozalashning biotexnologiyasini yaratishdan iboratdir. “Biotexnologiya muammolari” ilmiy laboratoriyasida bajarilayotgan ishlar yuzasidan Respublika fan va texnologiya qo’mitasining bir qator grantlari olindi va shu soha bilan bog’liq xo’jalik shartnomalari bajarilmoqda. Hozirgi kunda ham bu ilmiy-tadqiqot ishlari davom ettirilmoqda. Kafedrada “Biotexnologiya” (03.00.12) mutaxassisligi bo’yicha aspirantura ochilgan bo’lib, ushbu soha bo’yicha 3 ta fan nomzodi (Qobilov A.M., L.T. Yuldoshov va .Sh.R. Sharopova) himoya qildilar. Hozirgi kunda Biotexnologiya va oziq-ovqat xavfsizligi kafedrasi 2022 yil avgustga tashkil etilgan. Kafedra turli yillarda b.f.d. prof. S.B. Bo’riyev, dots. B.B. Toxirov, dots. G.T. Zaripov, b.f.f.d. (PhD) A.M. Qobilov laruning ilmiy-pedagogik salohiyatini oshirish va moddiy-texnik bazasini mustahkamlashga o‘zlarining munosib hissalarini qo‘shdilar. Hozirgi paytda kafedrani b.f.f.d. (PhD) Yuldoshov Laziz Tolibovich boshqarib kelmoqda.

Kunduzgi bo’limda o’qish muddati 4 yil bo’lib, malakaviy darajasi–“Bakalavr” va “Magistr”
Biotexnologiya va oziq-ovqat xavfsizligi kafedrasida kunduzgi bo’limda o’qiyotgan talabalar soni 261 nafar.
Buxoro davlat unversiteti Agronomiya va biotexnologiya fakulteti qoshida tashkil etilgan “USAID” tashkilot filiali mavjud. Kafedra a’zolari bir nechta maktab va bir qator kasb-hunar kollejlariga o‘quv-uslubiy yordam ko‘rsatadilar. Ilmiy va o‘quv ishlarining samaradorligini oshirish maqsadini ko‘zlab quyidagi ilmiy tashkilotlar va ta’lim muassasalari bilan hamkorlik shartnomalari tuzilgan: Buxoro viloyatining hududlari va tarmoqlarini rivojlantirishda kadrlarga bo’lgan ehtiyojni qoplash, qishloq xo’jalik sohasida yetuk malakali kadrlar tayyorlash, eksportbop mahsulotlarni yetishtirishda zamonaviy fan va texnologiyalarni chuqur biladigan mutaxassislarga bo’lgan talabini qondirish, fermer xo’jaliklarida kuzatilayotgan tuproq unumdorligining pasayishi va meliorativ holatining yomonlashishini oldini olish, meva-sabzavot va uzum navlaridan yuqori hosil olish muhim ahamiyatga ega. Qishloq xo’jalik sohasida yetuk malakali zamonaviy bilimga ega kadrlarni tayyorlash, viloyatning klaster, fermer xo’jaliklarida tuproq unumdorligini oshirish va meliorativ holatini yaxshilash, kelajakda dehqon-fermer xo’jaliklarida va aholi tomorqalarda dehqonchilik madaniyatini keskin oshirish hamda qishloq xo’jalik ekinlaridan mo’l va sifatli eksportbop hosil olishga va ularni yig’ib olish, qayta ishlash uchun agrobiznes rejalarni tuzish, markazlashgan holda agrologistika orqali mahsulotlarni sifatli eksportini tashkil etishdan iborat.
2022 yilning avgustidan Biotexnologiya va oziq -ovqat xavfsizligi kafedrasi yangi tashkil qilingan Agronomiya va biotexnologiya fakul`teti tarkibiga qo`shildi. Hozirgi kunda Biotexnologiya va oziq-ovqat kafedrasida tayanch doktarantlar (PhD) 2 nafar, mustaqil izlanuvchilar (РhD) 1 nafar, doktarantlar (DсS) 1 nafar ilmiy tadqiqot ishlarini olib bormoqdalar.
2022-2023 o’quv yilidan boshlab Tuproqshunoslik kafedrasi 2 ta kafedraga: Biotexnologiya va oziq-ovqat xavfsizligi, Agronomiya va tuproqshunoslik kafedralariga bo’lindi. Biotexnologiya va oziq-ovqat xavfsizligi kafedrasida 12 ta asosiy va 3 ta o’rindosh ,professor o’qituvchilar faoliyat yuritmoqda. Kafedra tarkibiga 4 ta tayanch doktarant, 1 ta mustaqil tadqiqotchi va 1 ta (DcS) doktorant mavjud bo’lib ilmiy tadqiqot ishlarini olib boryaptilar. 
Kafedrada tayyorlanayotgan ta’lim yo‘nalishlari, mutaxassisliklar va ixtisosliklar:
60710200 – “Biotexnologiya” ta’lim yo‘nalishi bo‘yicha bakalavrlar tayyorlanadi.  Mazkur yo‘nalish bo‘yicha hozirda 119  nafar talaba tahsil olmoqda.
60811300 – “Qishloq xo’jalik  mahsulotlarini saqlash va dastlabki ishlash texnologiyasi ”(mahsulot turlari bo’yicha) mutaxassisligi bo‘yicha  bakalavrlar tayyorlanadi. Mazkur mutaxassislik bo‘yicha hozirda 122 nafar  bakalavr tahsil olmoqda.
60812100-Dorivor o’simliklarni yetishtirish va qayta ishlash texnologiyasi mutaxassisligi bo‘yicha  bakalavrlar tayyorlanadi. Mazkur mutaxassislik bo‘yicha hozirda 10 nafar  bakalavr tahsil olmoqda.
60830100-Suv bioresurslari va akvakultura mutaxassisligi bo‘yicha  bakalavrlar tayyorlanadi. Mazkur mutaxassislik bo‘yicha hozirda 9 nafar  bakalavr tahsil olmoqda.
70811301 - “Qishloq xo’jalik  mahsulotlarini saqlash va dastlabki ishlash texnologiyasi ”(mahsulot turlari bo’yicha) mutaxassisligi bo‘yicha  magistrlar tayyorlanadi. Mazkur mutaxassislik bo‘yicha hozirda 5  nafar magistrant tahsil olmoqda.
03.00.12 – “Biotexnologiya” ixtisosligi bo‘yicha tayanch doktorantura mavjud.
Kafedraning ilmiy-tadqiqot faoliyati
Kafedrada asosan, O‘zbekiston Respublikasi Prezidenti Sh.M. Mirziyoyev rahbarligida 2021-yil 16-iyun kuni “Oliy taʼlim sohasidagi islohotlar natijadorligi hamda yangi o‘quv yiliga tayyorgarlik jarayonlari toʼgʼrisida” oʼtkazilgan videoselektor yig‘ilishining 34-sonli bayonida kafedralarni tarmoq korxonalari bilan bogʼlash, kafedralar huzurida ilmiy-tadqiqot markazlarini tashkil etish, markazlar orqali o‘z-o‘ziga mablag’ toppish faoliyatini yo’lga qo‘yish vazifalari keltirilgan edi. Belgilangan vazifalar yuzasidan Biologiya kafedrasi huzuridagi “Biologiya ta’limi va tadqiqotlari” ilmiy-tadqiqot markazi hamda “Chlorella excel group” MCHJ o’rtasida fan va ishlab chiqarish o’rtasidagi innovatsion-korporativ shartnomasi imzolandi. Shartnomaga binoan “Biologiya ta’limi va tadqiqotlari” ilmiy-tadqiqot markazi tomonidan “Chlorella excel group” MCHJda mikroskopik suvo’tlarni ko‘paytirish hamda ularni baliqchilikda ozuqa sifatida qo‘llash biotexnologiyasi joriy qilinadi. Natijada baliq mahsuldorligi oshadi.   Keyingi 5 yil davomida kafedra a’zolari 200 dan ortiq ilmiy maqolalarni xalqaro va respublika ilmiy jurnallarda chop etdilar. Kafedrada yaratilgan “Innovatsion g‘oyalar, texnologiyalar va loyihalar” Respublika yarmarkalarida namoyish etildi va bir qator shartnomalar imzolandi. Kafedrada 50 dan ortiq iqtidorli talabalar ilmiy-tadqiqot ishlariga jalb qilingan.  Keyingi 3 yil davomida talabalarning 100 dan ortiq ilmiy maqolalari ilmiy to‘plamlarda chop etildi.
Ilmiy hamkorlik
O‘zbekiston Respublikasi Fanlar akademiyasi Mikrobiologiya instituti bilan hamkorlik ishlari amalga oshirmoqda..  Kafedra 2022 yildan Xalqaro hamkorlik borasida London  Respublikasi GrodnoDAU bilan xamkorlik o‘rnatgan, ular ishtirokida  2023 yilda “Baliq mahsulotlarini yetishtirish, texnologiyasi ” mavzusida Vebinar seminarlar tashkil etildi. Shuningdek Rossiya davlatidagi Qozon federal universiteti ushbu xalqaro ilmiy konferensiyasi O‘zbekiston Respublikasi Vazirlar Maxkamasi tomonidan “O‘zbekiston Respublikasida 2023 yilda xalqaro va respublika miqyosida o‘tkaziladigan ilmiy va ilmiy-texnik anjumanlar rejasi”ni tasdiqlash to‘g‘risidagi Farmoyishi asosida tashkil qilininmoqda. Konferensiya doirasida qabul qilingan maqolalar SCOPUS/Web of Science bazasiga kiritildi.
2023 yil 4-10 dekabr kunlarida yosh o’qituvchimiz Jalolov Elbek Baxshilloyevich va Qobilov Azizjon Muxtorovich Eron Islom Respublikasida xizmat safarini bo’ldilar.

Kafedra ilmiy yo’nalishlari:
03.00.12 - Biotexnologiya
Kafedra fanlari:
6 “Biotexnologiya va oziq-ovqat xavfsizligi kafedrasida ” ta’lim yo‘nalishlarda  o‘qitiladigan majburiy fanlar. 
1.Biotexnologiya kirish .
2.Mikrobiologiya.
3.Virusologiya.
4.Baliq kasalliklari.
5.Suv o’simliklarini ko’paytirish biotexnologiya
6.Mutaxassislikka kirish. 
7.Biologiya  va genetika
8.Qishloq xo'jalik maxsulotlarini saqlashda sovutish texnologiyasi va jihozlari
9.Qishloq xo‘jalik mahsulotlarini qayta ishlash korxonalarining jihozlari va loyihalash asoslari.
10.Ixtiologiya.
11.Oziq-ovqat mahsulotlar biotexnologiyasi.
12.Nanabiotexnologiya.
13.Mikologiya.
14 .Chorvachilikda biotexnologiya.
15.Qishloq mahsulotlarini quritish.
16.Qishloq mahsulotlarini saqlash omborlari.
17.Genetika va genomika asoslari.
18.Agrobiotexnologiya.
19.Hujayra va gen muhandisligi.
20.Mikrob biotexnologiyasi.
21.Tuproq unumdorligida biotexnologiya.
22.Dorivor o’simliklar sistemasi va florasi.
23.Dorivor o’simliklar biotexnologiyasi.
Kafedra professor-o‘qituvchilari:
Asosiy shtatdagi professor-o‘qituvchilar.

Kafedra manzili: Buxoro tumani, Raboti Qalmoq MFY, Yangiobod qishlog‘i, Agronomiya va biotexnologiya fakulteti.