Mustaqillikning 26 yilligi munosabati bilan universitet ma’muriyatining tabrigi

O’zbekiston Respublikasi Davlat Mustaqilligining 26 yilligi munosabati bilan BuxDU jamoasi hamda 2017/2018 o’quv yili test sinovlaridan muvaffaqiyatli o’tgan talabalar hamda ularning ota-onalariga universitet ma’muriyatining tabrigi.

Mamlakatimizning ko’p asrlik tarixida mutlaqo yangi sahifa ochgan, el-yurtimizni mustabid tuzum kishanlaridan ozod qilib, erkin va farovon hayot qurish yo’lini ochib bergan mustaqilligimizning 26 yillik bayrami bilan barchangizni chin qalbimizdan tabriklaymiz.

 

Birinchi Prezidentimiz Islom Karimov rahnamoligida xalqimizning mustaqillikni qo’lga kiritishi Vatanimizning ko’p asrlik shonli tarixida mutlaqo yangi davlat, yangi jamiyat barpo etish yo’lini ochib bergan buyuk tarixiy voqea, tinch, to’kin va farovon hayotimizning mustahkam poydevori bo’lib kelmoqda. Davlatimiz rahbari Shavkat Mirziyoyev g’oyasi va tashabbusi bilan hayotga tatbiq etilayotgan “Buyuk kelajagimizni mard va olijanob xalqimiz bilan birga quramiz” tamoyiliga asosan mamlakatimizni modernizasiya qilish, demokratik islohotlarni chuqurlashtirish, parlament va siyosiy partiyalarning rolini, davlat boshqaruvi tizimining sifati va samarasini yanada oshirish, shuningdek, respublikamizda ta’lim tizimini takomillashtirish orqali har tomonlama etuk, barkamol, mustaqil fikrlashga qodir, irodali, fidoiy va tashabbuskor kadrlarni tayyorlashga katta e’tibor berilmoqda. Bunga misol sifatida 2017 yil 20 apreldagi PQ-2909-sonli “Oliy ta’lim tizimini yanada rivojlantirish chora-tadbirlari to’g’risida” Qarori qabul qilinib, respublikamizda oliy ta’lim tizimini tubdan takomillashtirish, mamlakatni ijtimoiy-iqtisodiy rivojlantirishning ustuvor vazifalaridan kelib chiqqan holda, kadrlar tayyorlash mazmunini tubdan qayta ko’rish, xalqaro standartlar darajasiga mos oliy ma’lumotli mutaxassislar tayyorlash uchun zarur sharoitlar yaratilishini ta’minlash maqsadida  eng muhim vazifalar belgilab berildi.

Bugun har bir fuqaroning orzu-intilishlari ro’yobga chiqmoqda, odamlarning dunyoqarashi yuksalib, hayotga, mehnatga munosabati tubdan o’zgarmoqda. 2017-2021 yillarda O’zbekiston Respublikasini rivojlantirishning beshta ustuvor yo’nalishi bo’yicha Harakatlar strategiyasi hamda “Xalq bilan muloqot va inson manfaatlari yili” Davlat dasturida inson manfaatlari va uning orzu-intilishlarini ro’yobga chiqarishdek ezgu maqsad mujassam.

Sizlarni, Mustaqilligimizning 26 yilligi bilan yana bir bor tabriklab, barchangizga tinchlik-omonlik, baxtu saodat, xonadonlaringizga fayzu baraka tilaymiz.

Barcha ezgu ishlarimizda Yaratganning o’zi qo’llasin, o’zi madadkor bo’lsin!

Yurtimiz tinch, osmonimiz musaffo, xalqimiz omon bo’lsin!

Mustaqilligimiz abadiy bo’lsin!

 

Ma’muriyat

Shartnoma to`liovlari Telegramda

Bog`lanish

Address: Muljal: Buxoro shahri Abu Ali ibn Sino nomidagi favvoralar maydoni

Manzil: Buxoro sh. Muhammad Iqbol ko`chasi 11 uy

Phone: Telefon: 8(365) 221-29-14

Fax: Fax: 8(365) 221-27-07

Avtobus yo`nlaishlai: 33,86, 88, 6, 77, 10, 76, 72, 25

Google xaritada