Xalqaro bo’lim

Boʻlim boshligʻi:

Telefon: 0365-2212718

Elektron manzil: mr.sharapov@gmail.com

 

        BuxDU Xalqaro bo’limi 1992 yildan bеri xorijiy ta’lim muassasalari va tashkilotlar bilan yaqin hamkorlik rishtalarini o’rnatib kеlmoqda. Ular orasida Italiya, Fransiya, Korеya Rеspublikasi, Yaponiya, Eron, Buyuk Britaniya, Hindiston, Misr elchixonalari, Yevropa Komissiyasi, shuningdеk DAAD, CAFÉ, Gyotе instituti, ACCELS, Britaniya Kеngashi, TACIS, Konrad Adеnauer fondi, GTZ, Fridrix Ebеrt fondi, Toshiba fondi, JICA, KOICA, ITEC va boshqa ko’plab talim sohasidagi xalqaro muassasalarni ko’rsatib o’tishimiz mumkin.

         Hozirgi kunda Fransiya, Bеlgiya, Italiya, Latviya, Ispaniya, Yaponiya, Malayziya, Polsha, Chеxiya, Finlyandiya, Gеrmaniya, Rossiya, Koreya, Qozog’iston va boshqa davlatlar univеrsitеtlari bilan tuzilgan ko’plab shartnomalar amal qilmoqda. So’nggi uch yil davomida 30 dan ortiq xorijiy dеlеgatsiya univеrsitеt hayoti bilan tanishdi. Xalqaro konfеrеnsiya va sеminarlar doimiy ravishda o’tkazib kеlinmoqda.
  TЕMPUS dasturi doirasidagi hamkorlikka alohida etibor qaratilmoqda. 1996 yildan boshlab, univеrsitеtda har yili biron-bir TЕMPUS loyihasi amalga oshirib kеlinmoqda. Ushbu loyihalar talim tizimini takomillashtirish, moddiy-tеxnik bazani mustahkamlash hamda pеdagogik va ilmiy salohiyatni oshirishga turtki bo’lib kеlmoqda. Ayni paytda univеrsitеtda 3 ta ERASMUS+ loyihasi amalga oshirilmoqda. 
2007 yildan boshlab, Buxoro davlat univеrsitеti Yevropa Komissiyasining Erasmus Mundus loyihasida konsorsium azosi sifatida qatnashib kеlmoqda. Ushbu dastur doirasida ko’plab talaba, magistrant, aspirant va doktorantlarimiz Еvropa univеrsitеtlariga ta”lim olishga, profеssor-o’qituvchilarimiz esa malaka oshirishga yuborildi.
  Univеrsitеtda “O’zbеkiston-Yaponiya markazi”, “Korеys tili markazi” kabilar tashkil qilingan bo’lib, ularning faoliyati xalqaro hamkorlik rishtalarining yanada yaqin bo’lishiga imkon yaratmoqda. Talabalar ushbu markazlarda birinchi va ikkinchi xorijiy til sifatida koreys va yapon tillarini o’rganishmoqda.

a) 2017 yil 16-17 mart kunlari Erasmus+ dasturi doirasidagi "IMEP - O’zbekistonda oliy ta’lim tizimi jarayonlarini modernizasiya va xalqarolashtirish" loyihasining "Oliy ta’limda ish beruvchilar va talabalarning ishtiroki" mavzusidagi xalqaro konferensiya bo’lib o’tdi.

         Loyiha ishtirokchilari tomonidan ish beruvchilar, talabalar, professor-o’qituvchilar o’rtasida turli so’rovnomalar o’tkazilgan bo’lib, so’rovnomalar natijalari konferensiya mobaynida taqdim qilindi. Konferensiyada ishchi guruhlar xulosalari asosida tegishli qo’llanmalar tayyorlash masalasi muhokama qilindi. Hamkor OTMlar tajribasi o’rganildi.

         Konferensiya ishida loyihaning evropalik hamkorlari Rezekne texnologiya akademiyasi (Latviya), London metropoliten universiteti (Buyuk Britaniya), Peleponnes universiteti (Gresiya), Britaniya Kengashi vakillari hamda milliy hamkorlar Oliy va o’rta maxsus ta’lim vazirligi, Bosh ilmiy-metodik markaz, Buxoro davlat universiteti, Jahon iqtisodiyoti va diplomatiya universiteti, O’zbekiston davlat jahon tillari universiteti, Toshkent medisina akademiyasi, Samarqand davlat chet tillar instituti, Toshkent davlat pedagogika universiteti, Namangan davlat universitetidan  professor-o’qituvchilar hamda talabalar ishtirok etishdi.

         Konferensiya natijalari asosida ish beruvchilar va talabalarning oliy ta’lim jarayonlaridagi ishtiroklarini kengaytirishga qaratilgan qo’llanmalar tayyorlanib, OO’MTV va respublikamiz OTMlariga taqdim qilinadi.

         b) 8 aprel kuni O’zbekiston-Yaponiya markazining 10 yilligi nishonlandi. Tadbirni yuqori darajada  tashkillashtirish bo’yicha Buxoro viloyati hokimining birinchi o’rinbosari M.Abdullaev tomonidan chora-tadbirlar rejasi tasdiqlandi. Ushbu tadbirga JICYe (Yaponiya xalqaro hamkorlik agentligi), Yaponiyaning Nagoya universiteti, O’zbekiston-Yaponiya markazi xodimlari hamda BuxDU professor-o’qituvchilari va talabalari ishtirok etishdi. Tadbir doirasida amalga oshirilgan uchrashuvlar natijasida yaponiya tomoni bilan hamkorlik ko’lamlarini kengaytirishga kelishildi.

 

  1. OTMda turli xalqaro loyihalar doirasida amalga oshirilgan ishlar.

 

         Erasmus+ dasturi tanlovlariga 8 ta loyiha tayyorlab topshirildi. Ayni paytda ushbu yo’nalishdagi 3 ta loyiha davom etmoqda.

         Gorizont-2020 dasturi tanlovlariga 2 ta loyiha tayyorlab topshirildi.

  AQSh elchixonasining "Kichik grantlar dasturi" tanlovida tanlab olingan "Kam ta’minlangan oilalar bolalariga ingliz tilini o’rgatish" loyihasi davom etmoqda.

  1. Xorijiy davlatlarning elchixonalari hamda xalqaro tashkilotlar bilan hamkorlikda amalga oshirilgan ishlar.

 

BuxDU talabalari Germaniyaning O’zbekistondagi elchixonasi tomonidan tashkil qilingan insholar tanlovida hamda Fransiya elchixonasi tashki qilgan Frankofoniya festivalida ishtirok etishdi.

Polshaning O’zbekistondagi elchixonasi bilan "rus filologiyasi" ta’lim yo’nalishida polyak tilini qisqa kursini tanlov fan sifatida kiritish masalasi muhokama qilinmoqda. Shuningdek, ushbu elchixona bilan hamkorlikda ilmiy grant loyihasi tayyorlash borasida ham hamkorlik qilinmoqda.

AQSh elchixonasining  "Madaniy merosni saqlash bo’yicha elchi jamg’armasi" tanlovlariga 1 ta loyiha tayyorlab topshirildi.

Koreya xalqaro hamkorlik agentligi KOYKA tomonidan yuborilgan 2 nafar ko’ngilli o’qituvchi o’z faoliyatini boshladi.

Fransiya elchixonasi tomonidan tashkil etilgan fransuz tili o’qituvchilarining malaka oshirish kurslariga 2 nafar o’qituvchimiz qatnashmoqdalar.

  1. Xorijiy davlatlarda tashkil etilgan malaka oshirish, tajriba almashish, o’quv kurslari, xorijga va xorijdan safarlar.

 

         2017 yilda universitet vakillari tomonidan 25 marta xorijga safarlar amalga oshirildi. Ushbu safarlarning 7 tasi Tempus va Erasmus+ loyihalari, 14 tasi Erasmus+ kredit mobilligi loyihalari, 1 tasi ITEC dasturi doirasida, 2 tasi Xalq ta’limi vazirligi yo’nalishi orqali, 2 tasi boshqa kelishuv asosida amalga oshirildi. Jami 11 nafar professor-o’qituvchi va 16 nafar talabaning xorij safari tashkillashtirildi. Ayni paytda 1 ta ilmiy tadqiqot, 4 ta ta’lim olish safari davom etmoqda.

         Yil boshidan beri 8 nafar xorijlik professor BuxDU huzuridagi malaka oshirish mintaqaviy markazi tinglovchilari hamda BuxDU o’qituvchilari uchun ilmiy ma’ruzalar o’qidi. 

                  

  1. Xorijiy tajribadan foydalangan holda OTMda yaratilgan yangi darslik va o’quv qo’llanmalar, dasturlar, elektron darsliklar.

 

         Xorijiy tajribadan foydalanib yaratilgan dastur asosida universitet hududida ikkita info kiosk o’rnatildi. Info kiosklarda talaba va o’qituvchilar ta’lim jarayoniga tegishli barcha ma’lumotlarni interaktiv tarzda olishlari imkoni yaratildi.

         KNAUF kompaniyasi bilan kelishilgan holda, arxitektura va qurilish sohasidagi terminlar lug’ati yaratilmoqda. Lug’at o’zbek, rus, nemis, ingliz tilidagi so’zlarni o’z ichiga oladi.

 

Frantsiya Respublikasining favqulotda va muxtor elchixonasi Violen De Vilmorning   BuxDUga tashrifi

Malayziyaning Sulton Idris Universiteti va BuxDU o’rtasida hamkorlik shartnomasining imzolanishi.

 

Italiyalik olim Tarix fakultetida  ma’ruza o’qimoqda

 

 

 Rejalar

  Xalqaro bo’lim tomonidan keyingi yillarda ham turli xalqaro grantlarda BuxDU vakillarining ishtirok etishi bo’yicha amaliy ishlar olib borilishi, xorijiy delegatsiyalar bilan uchrashuvlar davomida chet el oliy ta’lim muassasalari bilan munosabatlarni yanada mustahkamlash masalaarining muhokama qilinishi, chet ellik professor-o’qituvchilar bilan fan va ta’lim sohasida innovatsion texnologiylarni qo’llash borasida aloqalarni o’rnatishga ko’maklashib borish rejlashtirilgan. Bundan tashqari 2017-2022 yillar davomida O’zbekiston Respublikasi Prezidentining      2017 yil 20 apreldagi 2909-son “Oliy ta’lim tizimini yanada rivojlantirish chora-tadbirlari to’g’risida”gi qarori ijrosini ta’minlash maqsadida Bux.DUning yuzga yaqin professor-o’qituvchi va magistrantlari xorijiy mamlakatlarda malaka oshirish, stajirovka, ilmiy tadqiqot olib borish uchun xorijiy safarlarni amalga oshiradilar.     

 

 

Batafsil: Xalqaro aloqalar boʻyicha 2014 yil hisoboti

 

Batafsil: Xalqaro bo’lim haqida to`liqroq

 

Boʻlim manzili: Buxoro shahri, M.Iqbol koʻchasi, 11-uy.

Telefon: 0365-2212718

Faks: 0365-2212707

E-mail: bsu.international@umail.uz

 

Shartnoma to`liovlari Telegramda

Bog`lanish

Address: Muljal: Buxoro shahri Abu Ali ibn Sino nomidagi favvoralar maydoni

Manzil: Buxoro sh. Muhammad Iqbol ko`chasi 11 uy

Phone: Telefon: 8(365) 221-29-14

Fax: Fax: 8(365) 221-27-07

Avtobus yo`nlaishlai: 33,86, 88, 6, 77, 10, 76, 72, 25

Google xaritada