Chaqiriqqacha harbiy ta’lim fakulteti

Sobiq Ministrlar sovetining 1978 yil 25 avgustdagi № 727 - son qaroriga binoan “Boshlang’ich harbiy tayyorgarlik” ni rivojlantirish maqsadida Buxoro viloyatida 1980 yil Mudofaa vazirligi va Maorif ministrligi  bilan hamkorlikda S.Orjonikidze nomli Buxoro davlat pedagogika institutida “Harbiy kafedra” tashkil etilgan. Birinchi marta Harbiy kafedrada 100 nafar talaba qabul qilingan. Bu talabalar orasida asosan harbiy xizmatga borib kelgan va maxsus maktablarda ta’lim olgan o’quvchilar qabul qilingan. Shundan beri har yili yuzlab talabalar ushbu fakultetni tugatib kelmoqda.

 

Harbiy fakultet o’zining ish faoliyatida bir qancha fan doktorlari, prfessorlar, harbiy ofiserlar, generallar, mexnat qaxramonlari va o’qituvchilar etishtirib chiqargan.

Mana 35 yildirki Harbiy fakultetdan “Chaqiriqqacha harbiy ta’lim” pedagog o’qituvchilar etishib chiqib, xalq farovonligi va Vatanimiz ximoyasi uchun yoshlarni jismonan va aqlan etuk qilib tarbiyalab kelmoqdalar.

1991 yil O’zbekiston Respublikasi mustaqillikka erishgandan so’ng, prezidentimiz I.A. Karimov Farmoniga ko’ra harbiy fakultet o’z faoliyatini Buxoro Davlat universiteti tarkibida davom ettira boshlagan.

1991 yildan 2002 yilgacha polkovnik L.Kachugur;

2002 yildan 2003 yilgacha mayor O.Shodiyev;

2003 yildan 2004 yilgacha podpolkovnik U.Mamurov;

2004 yildan 2005 yilgacha podpolkovnik Sh.Kenjaev;

2005 yildan 2006 yilgacha podpolkovnik E.Tagiyev;

2006 yildan 2007 yilgacha mayor E.Qurbonov;

2007 yildan 2012 yilgacha podpolkovnik M.Gafurov;

2012 yildan 2012 yilgacha podpolkovnik V.G.Raxmatov;

2012 yildan 2013 yilgacha podpolkovnik B.Jo’rayev;

2013 yildan 2014 yilgacha podpolkovnik E.Saydillayev

2014 yildan hozirgi kungacha polkovnik A.Saidovlar Harbiy fakultet boshlig’i lavozimida ishlab kelgan va kelmoqda.

2005 yil O’zbekiston Respublikasi Mudofaa vazirligi hamda Oliy va o’rta maxsus ta’lim vazirligining 2004 yil 11 avgustdagi 2/193-sonli qo’shma farmoyishiga muvofiq, Buxoro davlat universiteti rektorining buyrug’i asosida pedagogika fakultetidan ajratib “Harbiy fakultet” (fakultet negizida) tashkil etildi. Yangi shtat birligiga muvofiq to’rtta bo’lim ya’ni “Umumqo’shin tayyorgarlik” bo’limi, “Maxsus tayyorgarlik” bo’limi, “Uslubiy tayyorgarlik” bo’limi va “Jismoniy tarbiya nazariyasi va uslubiyoti” bo’limlari tashkil etilgan edi.

2005-2006 yillari davomida harbiy fakultet o’quv moddiy bazasini rivojlantirish va takomillashtirishga aloxida e’tibor qaratildi. Asosan mavjud sport, taktik mashg’ulotlari o’tkazish joylari va otish tirxonasi qayta ta’mirlandi. Mashg’ulot xonalaridagi ko’rgazmali qurollar va shiorlar davlat tiliga o’girilib yangilandi. 2006 yilda o’quv mashg’ulotlarini to’liq o’tib bo’lmasligi va unga sharoit yo’qligi sababli Fakultetning “Uslubiy tayyorgarlik” bo’limini Universitetning Musiqa fakultetiga qarashli binosiga ko’chirildi. 2007 yilda Mudofaa vazirligi harbiy ta’lim boshqarmasi tomonidan tekshirilganda ayrim kamchiliklar mavjudligi va bu kamchiliklarni bartaraf etish uchun fakultet strukturasida ayrim o’zgartirishlar o’tkazildi. Shundan keyin o’quv mashg’ulotlarini o’tkazishda binolarning eskiligi o’quv jarayoniga o’z ta’sirini o’tkazmasdan qo’ymadi. Eski o’quv binolarining nurab boshlagani va sovuqqa bardosh berolmaganligini hisobga olib, Harbiy fakultetni Buxoro viloyat xokimining ruxsati bilan universitet qoshidagi 4-son akademik liseyining eski binosiga ko’chirildi. 2007 yilning noyabr oyidan boshlab fakultet o’z faoliyatini yangi ko’chib o’tgan binoda yuritishni boshladi.

2014 yildan hozirgi kungacha polkovnik A.Saidov harbiy fakultet boshlig’i vazifasini bajarib kelmoqda. Mana shu ikki yil davomida tinimsiz mehnat natijasida Buxoro davlat universiteti harbiy fakulteti O’zbekiston Respublikasi Mudofaa vazirining 2015 yil 21 sentyabrdagi 758-sonli buyrug’iga asosan 2014/15 o’quv yili yakunlari bo’yicha O’zbekiston Respublikasi Oliy ta’lim muassasalari o’rtasida "eng ilg’or harbiy kafedra" deb topildi va "Amir Temur otda" ko’chma sovrini bilan taqdirlandi. 

Mamlakatimiz mustaqillikka erishgan paytdan toki bugungi kunga qadar harbiy fakultetimizdan “Chaqiriqqacha harbiy ta’lim” yo’nalishi bo’yicha jami 2237 nafar talaba harbiy fakultetni muvaffaqqiyatli bitirgan.

Mudofaa vazirining buyrug’iga asosan harbiy fakultetga xarbiy xizmatni davom ettirish uchun boshqa harbiy qism va muassasalardan kelgan ofiser-o’qituvchilar xizmat qilmoqdalar. Fakultetning ijtimoiy-siyosiy, ma’naviy-ma’rifiy va harbiy vatanparvarlik tarbiyasi jarayonida bir necha tadbirlar, davra suxbatlari, kechalar va uchrashuvlar olib borilmoqda. Faxrli o’rinlvrni egallab Respublika olimpiadalarida  va sport musobaqalarida talabalarimizdan bir netchasida qatnashib kelmoqdalar.

            Shuningdek, fakultetda 20 nafar ofiser-o’qituvchilar faoliyat ko’rsatmoqdalar.

 

  1. Saidov A.A. – Fakultet boshlig’i.
  2. Mamarizaev E.Yu. – Fakultet boshlig’ining o’rinbosari.
  3. Boboev A.T. – Fakultet boshlig’ining o’rinbosari - o’quv bo’limi boshlig’i.
  4. Abdullaev Y.Z. – fakultet boshlig’ining ma’naviy-ma’rifiy ishlar bo’yicha o’rinbosari.
  5. Valiev A.A. – Uslubiy tayyorgarlik sikli boshlig’i.

     6.  To’raev J.A. – Maxsus tayyorgarlik sikli boshlig’i.

     7.  Bekchanov R.X. – Umumqo’shin tayyorgarlik sikli boshlig’i.

     8.  Raxmatov V.G. – katta o’qituvchi.    

     9.  Ilxomov I.S.– o’qituvchi. 

     10. Usmonov A.A.– o’qituvchi.

     11. Qodirov A.H. - o’qituvchi  

     12. O’rozaliev I.X.– o’qituvchi.

     13. Bozorov A.A. – o’qituvchi.

     14. Urazov N.Yu. – o’qituvchi.

     15. Temirov O’.X. – o’qituvchi.

     16. Qosimov M.X. – o’qituvchi.

     17. Abduraxmonov Sh.N. - o’qituvchi

     18. Safoev X.A. - o’qituvchi

     19. Uzoqov A.M. - o’qituvchi

     20. Raximov F.B. - o’qituvchi

      Bulardan tashqari o’quv-tarbiyaviy jarayonni sifatli tashkillash va o’tkazish uchun fakultetda 11 kishidan iborat ishchi xodimlar jumladan, o’quv ustasi 1 nafar, kutubxonachi 1 nafar, katta labarant 3 nafar, ish yurituvchi 1 nafar, laborant 3 nafar, haydovchi 1 nafar.

         Yoshlarimizni O’zbekiston xalqi va Prezidentiga sadoqat ruhida tarbiyalash, harbiy-professional, intelektual saloxiyat, ma’naviy boylik va axloqiy poklikni o’ziga mujassam etgan barkamol shaxsni shakllantirish davr talabi. Ona yurtga sadoqat bilan, kimning avlodi ekanini xayolidan chiqmasdan, hayotda aniq maqsad va e’tiqod bilan yashaydigan, o’zining mustahkam irodasi, Vatanga sadoqati bilan haqiqiy qahramonlikka tayyor harbiy xizmatchilarni tayyorlash, ularning ongida vatanparvarlik, o’z Vatanini, uning madaniy va ma’naviy qadriyatlariga muhabbat va sodiqlik tuyg’usini shakllantirish,  milliy xavfsizlik, harbiy qurilish va Qurolli Kuchlarni isloh qilish sohasida olib boriladigan ishlar, tegishli qonunlar me’yoriy-huquqiy hujjatlar va O’zbekiston Respublikasi Prezidenti I.A.Karimov asarlarida bayon etilgan davlat siyosatining mazmun-moxiyatini tushuntirib borish, talaba-yoshlarimizda milliy o’zligini anglash tuyg’usini rivojlantirish, ularni milliy g’oya ruxida tarbiyalash, shaxsiy tarkibning erudisiyasini (aql va zakovatini), intelektual saloxiyatini bilim saviyasini, ularning madaniyatini, keng dunyoqarashini takomillashtirish,  harbiy xizmatchilarga harbiy burchga ma’suliyat bilan yondashish, yuksak jangovoar shaylik va mustahkam harbiy intizomni saqlash uchun shaxsiy ma’suliyatini his etish, milliy Qurolli Kuchlarimizga daxldor ekanligidan faxrlanish sifatlarini tarbiyalashdan iboratdir.

Harbiy fakultet sobiq talabalari

S.Orjonikidze nomidagi Buxoro pedagogika instituti qoshida tashkil etilgan Harbiy kafedra 1980 yil tashkil etilib, birinchi marta 1983 yil Ittifoqlararo konferensiya tashkil etilgan va harbiy kafedra "yaxshi" baxolangan.

1984 yil Sobiq ittifoq Quruqlikdagi qo’shinlar qo’mondoni. "Sovet ittifoqi qaxramoni" general-polkovnik Naumenko Yu.A. kafedraga kelib umumiy tekshiruv ishlari o’tkazib "Yaxshi" baxolab ketgan.

1984 yillarda o’qib tugatgan Boymurodov Rajab o’sha vaqtdagi Lenin stipendiyasini olib bir qator fan olimpiyadalarida ishtirok etib g’oliblikni qo’lga kiritgan.

1987 yil Respublikalararo seminar-yig’ilishi o’tkazilgan va "yaxshi" baxolanganligi uchun "Benuqson  xizmati uchun I pog’ona" medali bilan podpolkovnik Andenyuk V.A., podpolkovnik Siderenko A.I., mayor Artyuxov N.I., mayor Levit V.G. lar,  "Benuqson  xizmati uchun II pog’ona" medali bilan mayor Alexin N.P., mayor Karnaruk V.T., mayor Fomin V.B. lar taqdirlangan.

1988 yil  "Benuqson  xizmati uchun III pog’ona" medali bilan kapitan Yakushev A.V. va kapitan Kulchikovskiy N.A.ga esa yuqori ittifoq prezidumi tomonidan "Krasnaya Zvezda" ordeni bilan taqdirlangan.

1990 yil Buxoro pedagogika institutining 60 yillik yubileyida Harbiy kafedraga O’zbekiston xalq ta’limi vaziri o’rtoq Yusupov tashrif buyurganlar va harbiy kafedraning joylashishi va o’quv jarayonlari bilan tanishganlar.

1992 yil O’zbekiston Respublikasining mustaqilligi munosabati bilan Sobiq ittifoq mudofaa vazirligidan O’zbekiston Mudofaa vazirligiga o’tkazildi va Buxoro davlat universiteti Harbiy kafedrasi nomi berildi.

1999-2000 yillarda Ibragimov Feruz TAEKVANDOO bo’yicha O’zbekiston chempionatida qatnashib o’z vazn toifasida g’oliblikni qo’lga kirtigan.

2000-2002 yillarda Raximov Ravshan kurashning sambo turi bo’yicha O’zbekiston Respublika chempioni unvoniga sazovor bo’lgan. Sport ustasi.

2002 yil Harbiy kafedra Sharipov Shavkat Samarqand shahrida bo’lib o’tgan Universiadada Engil atletikaning estafeta musobaqasi bo’yicha g’oliblikni qo’lga kiritgan.

2002 yil Aminov Hamza Universiadada Basketbol sport turi bo’yicha universiada chempioni bo’lgan.

2004 yilgi "Universiada-2004"da Harbiy kafedra 4 kurs talabasi Atoev Jaxongir "Dzyu-do" sporti bo’yicha chempionlikni qo’lga kiritgan.  

2004 yil Jumaev Farxod Samarqanddagi bo’lib o’tgan universiadada kurash bo’yicha o’z og’irligi vaznida chempionlikni qo’lga kiritgan.

2005 yil O’zbekiston Respublikasi Oliy va o’rta maxsus ta’lim vazirligi va Mudofaa vazirligining 2004 yil 11 avgustdagi 12/230-sonli qo’shma farmoyishga muvofiq hamda Buxoro davlat universiteti rektorining 2005 yil 5 avgustdagi 204-U-sonli buyrug’i asosida Harbiy kafedra Harbiy fakultet (kafedra negizida) deb nom berildi va tashkil etildi.

2005 yil Harbiy kafedra 3 kurs talabasi Nasriev Otabek "Kikboksing" sport turi bo’yicha O’zbekiston chempioni martabasiga erishgan.

2009 yil Harbiy fakultet 4 kurs talabasi Haydarov Muxammad "Taekvando" sport turi bo’icha uchinchi o’rinni egallab g’oliblikni qo’lga kiritgan.

2009 yil Kamolov Nuriddin Qo’l jangi bo’yicha O’zbekiston birinchiligida o’z vazn toifasida chempionlikni qo’lga kiritilagan. 

2010 yil 24 iyun kuni O’zbekiston Respublikasi Oliy va o’rta maxsus ta’ldim vazirligi, oliy attestasiya komissiyasi tomonidan Harbiy fakultet o’qituvchisi podpolkovnik Rayimov Shukrullo Karimovichga navbatdagi ilmiy unvon "Dosent" berildi.

2011 yilgi o’tkazilgan "Universiada-2011"da harbiy fakultet 3 kurs talabasi Saidov Soxib yugurish bo’yicha musobaqada qatnashib faxrli uchinchi o’rinni egallagan.

2011 yil "O’zbek qo’l jangi san’ati" sporti bo’yicha chempionlikni qo’lga kiritib "Ustalik" unvoniga muyassar bo’lgan. 2013 yil Taekvandoning ITF yo’nalishi bo’yicha yoshlar o’rtasida "Mustaqilligimiz abadiy bo’lsin" shiori ostida o’tkazilgan viloyat miqyosidagi turnirda ishtirok etib 1 darajali diplom bilan taqdirlangan.

2012 yil Harbiy fakultet 4 kurs talabasi Ismoilov Nozim "Dzyu-do" sport turi bo’yicha O’zbekistonda o’tkazilgan chempionatda g’oliblikni qo’lga kiritgan.

2013 yildagi o’tkazilgan "Universiada-2013"da harbiy fakultet 3 kurs talabasi Nazarov Nurbek volebol bo’yicha musobaqada qatnashib komanda bo’yicha g’oliblikni qo’lga kiritishgan.

2013 yil Harbiy fakultet 3 kurs talabasi Djo’raev Umid "Taekvando" sport turi bo’yicha o’z vazn toifasida O’zbekiston chempioni unvoniga muyassar bo’lgan.

2014 yil "Diniy ekstremizmni qanday tushnasiz" mavzusidagi insho g’olibi bo’lgan 2 kurs talabasi To’raev Farxod o’zining 2 ta sheriy to’plamlari kitobini nashrdan chiqargan.

2014 yil Harbiy fakultet 2 kurs talabasi Kenjaev Bexruz "Yosh tadbirkor elga madadkor" ko’rik tanlovida qatnashib g’olib bo’lgan va 25 000 000 so’m mukofot egasi bo’lgan.

2014 yil Yodgorov Murod yoshlar o’rtasida o’tkazilgan taekvando sport turi bo’yicha o’z vazn toifasida O’zbekiston chempioni bo’lgan. Hozirgi kunda 4 kurs talabasi.

2015 yil oliygohlar o’rtasida o’tkazilgan tanlovda Parmonov Xusniddin nomutaxasis fanlar bo’yicha tanlov g’olibligini qo’lga kiritgan. (2010 yilda o’tkazilgan "Armreysing" musobaqasi g’olibi Jaxon chempioni unvoniga muyassar bo’lgan). Parmanov Xusniddin Isomiddin o’g’li Armrestling sport turi bo’yicha 8 karra O’zbekiston chempioni, 4 karra kumush medal soxibi, 5 karra bronza medali soxibi, 2011-12 yillarda Qozog’istonda jaxon chempionatida 5 o’rinni egalagan. 2001 yil sport ustasi unvoni O’zbekiston Respublikasi Madaniyat va sport vazirligi tomonidan berilgan. Hozirgi kunda Harbiy fakultet 3 kurs talabasi

Shartnoma to`liovlari Telegramda

Bog`lanish

Address: Muljal: Buxoro shahri Abu Ali ibn Sino nomidagi favvoralar maydoni

Manzil: Buxoro sh. Muhammad Iqbol ko`chasi 11 uy

Phone: Telefon: 8(365) 221-29-14

Fax: Fax: 8(365) 221-27-07

Avtobus yo`nlaishlai: 33,86, 88, 6, 77, 10, 76, 72, 25

Google xaritada