Matematik olimlar bilan uchrashuv

 O`zbekiston Respublikasi uzluksiz ta’limni rivojlantirish bo`yicha idoralarars muvofiqlashtiruvchi Kengashning umumta’lim fanlar bo`yicha vazifalari to`g`risidagi 2013 yil 9 dekabrdagi №1/2-sonli qarorida ko`rsatilagan “Oliy ta’lim massasalari professor-o`qituvchilarini umumta’lim maktablari, akademik litseylar va kollejlarga biriktirgan holda, fanlarni o`qitish sifatini oshirishga qaratilgan “Mahorat maktablari” ni barcha viloyatlarda tashkil etish” to`g`isidagi qaror ijrosini ta’minlash

 Buxoro Davlat universiteti va umumta’lim maktablari bilan hamkorlikdagi faoliyatni yanada yaxshilash maqsadida, Buxoro Davlat universiteti va viloyat xalq ta’limi boshqarmasining 2013 yil 18 oktyabrdagi № 545-U raqamli “Buxoro viloyati umumiy o`rta ta’lim muassasalarini ilmiy-metodik qo`llab-quvvatlash to`g`risida”gi buyrug`i ijrosini ta’minlash maqsadida Buxoro Davlat universitetining “Matematika, fizika va analiz” kafedrasi bilan Buxoro shahar 23-umumiy o`rta ta’lim maktabi o`rtasida hamkorlik shartnomasi tuzilgan.

   Mazkur shartnomaning 1.2 va 2.2. - bandlariga muvofiq,  2014 yil 20 mart kuni universitetning “Matematik fizika va analiz” kafedrasi bilan hamkorlikda Matematik olimlar bilan uchrashuv o`tkazildi. Mazkur uchrashuvga O`zbekiston Milliy universiteti qoshidagi Matematika instituti yetakchi ilmiy xodimi, f-m.f.d., professor O`.A.Roziqov, BuxDUning AL va KHK bilan ishlash bo`yicha prorektori, f-m.f.n., dotsent G`.I.Botirov, BuxDU “Matematik fizika va analiz” kafedrasi dotsentlari R.T.Muxitdinov, I.M.Jo`rayev, N.X.Mamatova, katta o`qituvchisi Z.N.Hamdamovlar tashrif buyurdilar

 Dastlab Buxoro Davlat universitetining akademik litsey va kasb-hunar kollejlari bilan ishlash bo`yicha prorektor G`.I. Botirov O`zbekiston Respublikasi Prezidentining 2014 yil 6 fevraldagi PQ-2124 sonli “O`zbekiston Respublikasida yoshlarga oid davlat siyosatini amalga oshirishga qaratilgan qo`shimcha chora-tadbirlar to`g`risida”gi qarori haqida tadbir ishtirokchilariga ma’ruza  qildi. So`ngra 23-maktab direktori I.Imomova maktabda matematika fani bo`yicha amalga oshirilayotgan ishlar haqida fikrlar bildirildi. Matematika-informatika fani metodbirlashmasi rahbari G.Bahronova va boshlang`ich sinf metodbirlashma rahbari Z.Muxamedovalar so`zga chiqib, matematika fanidan umumta’lim fanlari bo`yicha umumiy o`rta, o`rta maxsus, kasb-hunar ta’limining kompetensiyaviy yondoshuvga asoslangan Davlat ta’lim standartlari va o`quv dasturlarini tajriba-sinovdan o`tkazish bo`yicha amalga oshirilayotgan ishlar haqida to`xtalib o`tdi.

 Uchrashuvning ikkinchi qismida professor O`.A. Roziqovning “Matematik billiard va uning qo`llanilishi” va Buxoro davlat universiteti “Matematik fizika va analiz” kafedrasi katta o`qituvchisi Z.Hamdamovning “Olimpiada masalalarini yechish usullari” mavzularidagi ma’ruzalar tinglandi.

 

 

 

 

 

 

Bog`lanish

Address: Muljal: Buxoro shahri Abu Ali ibn Sino nomidagi favvoralar maydoni

Manzil: Buxoro sh. Muhammad Iqbol ko`chasi 11 uy

Phone: Telefon: 8(365) 221-29-14

Fax: Fax: 8(365) 221-27-07

Avtobus yo`nlaishlai: 33,86, 88, 6, 77, 10, 76, 72, 25

Google xaritada