"Buxoro tarixi masalalari" mavzuida Respublika ilmiy-nazariy konferensiyasi

 2016 yilning 9 dekabr kuni Buxoro davlat universitetida Milliy tiklanish” demokratik partiyasi Buxoro viloyat Kengashi bilan hamkorlikda “Buxoro tarixi masalalari (eng qadimgi zamonlardan hozirgacha)” mavzuida respublika  ilmiy-nazariy konferensiyasi o’tkazildi.   

 

Unda O’zbekiston Milliy universiteti, Buxoro, Samarqand, Toshkent, Termiz, Farg’ona oliy o’quv yurtlarining professor-o’qituvchilari, olimlar, magistrantlar, ilmiy izlanuvchilar, talaba-yoshlar, ommaviy axborot vositalari vakillari ishtirok etib, Buxoro arxeologiyasi va etnografiyasi, manbashunosligi va tarixshunosligi, o’rta  asrlarda shaharning Sharq va G’arb sivilizasiyasiga ta’siri, shuningdek, o’zbek milliy davlatchiligidagi o’rni hamda mavq’ei kabilar keng tahlil qilindi.

Ilmiy anjumanda ma’ruza qilgan akademik Komiljon Muqimov, tarix fanlari doktori, professor Shodmon Hayitov, professor Sulaymon Inoyatov, filologiya fanlari nomzodi, dosent Shavkat Hayitovlar Buxoro tarixi, uni o’rganish muammolari va istiqbollari, moziy ilmi oldida turgan dolzarb masalalarga atroflicha to’xtalib o’tdilar hamda qatnashchilar diqqatini Buxoroning topografiyasi, manbaashunosligi, o’rta asrlardagi hayoti, etnografiyasiga qaratdi.

– Bugungi kunda oldimizda turgan eng muhim masalalardan biri Buxoro shahrining yoshini uzaytirish, uni yanada mukammalroq o’rganish, arxeolog kadrlar tayyorlash, tarix ilmi bilan shug’ullanuvchi ilmiy izlanuvchilarga keng imkoniyatlar yaratish va qo’llab-quvvatlashdir, - deya ta’kidladi Buxoro davlat universiteti rektori, texnika fanlari doktori, professor Abduqobil To’laganov.

 Shu maqsadda kelgusi yillarda Buxoro oliygohining Tarix kafedrasi tarkibida arxeologiya bo’limini ochish, mutaxassislarni tayyorlash orqali shaharda qazishma ishlarini olib borib, chuqurroq o’rganish rejalari ham tuzildi.

 

Bog`lanish

Address: Muljal: Buxoro shahri Abu Ali ibn Sino nomidagi favvoralar maydoni

Manzil: Buxoro sh. Muhammad Iqbol ko`chasi 11 uy

Phone: Telefon: 8(365) 221-29-14

Fax: Fax: 8(365) 221-27-07

Avtobus yo`nlaishlai: 33,86, 88, 6, 77, 10, 76, 72, 25

Google xaritada