Welcome to Buxoro davlat universiteti rasmiy web sayti   Click to listen highlighted text! Welcome to Buxoro davlat universiteti rasmiy web sayti Powered By GSpeech

Hamkorlik rishtalari

Shiddat bilan rivojlanib borayotgan dunyoda O‘zbekiston ham o‘z o‘rnini har kun, har lahza mustahkamlab bormoqda. Davlatimizning siyosiy, iqtisodiy va ijtimoiy yo‘nalishlarida, umuman xalq xo‘jaligining barcha tarmoqlarida o‘sish suratini kuzatish mumkin.

Ayniqsa, ta’lim sohasida uzoqni mo‘ljallab amalga oshirilayotgan islohotlar hozirdanoq yuksak natijalar berayapti. Maktabgacha hamda o‘rta ta’limga bo‘lgan e’tibor tubdan o‘zgardi. Oliy ta’limda ham ta’lim tizimi har tomonlama isloh etilmoqda.

Ta’lim sohasida Xalqaro aloqalarga keng o‘rin berilayotgani, o‘zaro tajriba almashishlar ta’lim sifatini o‘stirishda muhim omil bo‘layotir. Buxoro davlat universitetida ham xorijiy oliygohlardan ta’lim tizimini o‘rganish, bu borada o‘qituvchi va talabalar guruhlarini tajriba almashish maqsadida o‘zaro bordi-keldi imkoniyatlarini yaratish ishlariga katta e’tibor qaratilgan.

Bundan bir oylar chamasi Janubiy Koreyaning “Koreya” universitetining o‘qituvchi va talabalari Buxoro davlat universitetiga tashrif buyurgan bo‘lsa, bugun Yaponiyadan proffesor Miyadzaki Tixo rahbarligida Nagoya universitetining 13 nafar talabalari Buxoro davlat universitetidagi “Yapon markazi”da bo‘lishdi.

Mehmonlar universitetdagi muzey hamda “Qatag‘on qurbonlari” muzeyida bo‘lib, BuxDUning tashkil topishidan to bugungi kunigacha bo‘lgan jarayonlar, sho‘rolar hukumatining xalqimiz boshiga solgan kulfatlari, mustamlakachilik siyosati tarixi bilan atroflicha tanishdilar. Universitetdagi “Yapon markazi” talabalari bilan dildan suhbat qurib, o‘zbek milliy sport o‘yinlarida faol qatnashdilar.

Tushdan keyin mehmonlar Buxoroyi sharifning tarixiy obidalari, madaniy yodgorliklarini ko‘zdan kechirishadi.

BuxDU matbuot markazi.

Top
BuxDU ATM tomonidan ishlab chiqildi.
Click to listen highlighted text! Powered By GSpeech