Buxoro davlat universiteti rasmiy web sayti - Wakayama universiteti vakillari bilan uchrashuv
Welcome to Buxoro davlat universiteti rasmiy web sayti   Click to listen highlighted text! Welcome to Buxoro davlat universiteti rasmiy web sayti Powered By GSpeech
Monday, 29 January 2018 06:13

Wakayama universiteti vakillari bilan uchrashuv

Written by 
Rate this item
(1 Vote)

Joriy yilning 26-yanvar kuni BuxDU da Yaponiyaning Wakayama universitetidan tashrif buyurgan Fujii Takuya va Kazue Nakomotolar bilan uchrashuv boʻlib oʻtdi.

Wakayama universiteti 1949-yilda tashkil qilingan boʻlib, ayni paytda uning tarkibida 4 ta yirik fakultet mavjud. Bular Turizm, Pedagogika, Iqtisodiyot hamda Tizimlar muhandisligi fakultetlaridir. Turizm yoʻnalishida bir qator diqqatga sazovor ishlar amalga oshirilgan. Masalan, fakultet Butun jahon Turizm Tashkiloti (UNWTO) tomonidan turizm sohasida yetakchi taʻlim muassasalaridan biri sifatida tan olingan. Wakayama talabalaridan biri “2017-yil – Turzim yili” munosabati bilan oʻtkazilgan xalqaro tanlovda gʻoliblikni qoʻlga kiritgan.

 

Buxoro davlat universiteti rektori prof. A.Toʻlaganov hozirgi paytda mamlakatimiz oliy ta’lim tizimida keng koʻlamli islohotlar olib borilayotganini, shu jumladan xalqaro hamkorlikni kuchaytirishga alohida e’tibor qaratilayotganini aytib oʻtdi.

Mehmonlar Wakayama universiteti Buxoro davlat universiteti bilan hamkorlik aloqalaridan mamnun ekanliklarini ma’lum qilib, joriy yilning aprel oyida universitet rektori tashrif buyurishi va ushbu tashrif chogʻida oʻzaro hamkorlik shartnomasi  imzolanishi koʻzda tutilganligi ta’kidlandi.

Oʻzaro hamkorlik oʻqituvchi va talabalar almashinuvi, oʻquv-uslubiy hamda ilmiy tadqiqot sohalarida amalga oshiriladi. Fakultetlar oʻrtasidagi oʻzaro hamkorlik har ikkala universitetning turizm yoʻnalishidagi fakultetlarida boshlab berilishiga kelishib olindi. Mehmonlarda “Oʻzbekiston boʻylab sayohat qil!” dasturi doirasida  viloyatimizda amalga oshirilayotgan ishlar hamda unda BuxDU Turizm fakulteti talabalarining ishtiroki qiziqish uygʻotdi.

Wakayama universiteti bilan hamkorlik BuxDU da ta’lim sifatini oshirishga xizmat qilishi, shubhasizdir.

 

Read 1559 times
Super User

Aslon Ergashev

Leave a comment

Make sure you enter the (*) required information where indicated. HTML code is not allowed.

Top
BuxDU ATM tomonidan ishlab chiqildi.
Click to listen highlighted text! Powered By GSpeech