Buxoro davlat universiteti rasmiy web sayti - “Fitrat” teatr jamoasi poytaxt sahnasida
Welcome to Buxoro davlat universiteti rasmiy web sayti   Click to listen highlighted text! Welcome to Buxoro davlat universiteti rasmiy web sayti Powered By GSpeech
  • E`lonlar
  • Eng ko`p o`qilgan

“Fitrat” teatr jamoasi poytaxt sahnasida

  O’zbekiston Respublikasi Yoshlar masalalari bo’yicha respublika idoralararo kengashining majlisida “Yoshlar- kelajak bunyodkori” shiori ostida “Yoshlar festivallari” tashkil etish va o’tkazish belgilangan. Mazkur “Yoshlar festivallari” doirasida oliy ta’lim muassasalarida “Talabalar teatr studiyalari” festivalini o’tkazish rejalashtirilgan. Mazkur festival so’nggi 3 yil mobaynida keng miqyosda o’tkazilib kelinadi. Joriy yil ilk marotaba BuxDU talabalari ushbu festivalning final bosqichida ishtirok etish uchun yo’llanmani qo’lga kiritdi.

      Dastavval BuxDU da fakultetlararo o’tkazilgan dastlabki bosqichda filologiya fakulteti talabalari 1-o’rinni egalladi. Ular o’z jamoalarini “FITRAT” teatr jamoasi deb nomladilar. Chorak final bosqichi BuxDUda bo’lib o’tdi. Buxorodagi uchta oliygohni BuxDU filologiya fakulteti talabalari mezbon jamoa sifatida qabul qilishdi.

      Barcha jamoalar bir-biridan ajoyib sahna ko’rinishlarini namoyish etishdi. Saralash bosqichida eng sara deb topilgan “FITRAT” teatr jamoasiga “Eng yaxshi spektakl” nominatsiyasi berildi va ular yarim final bosqichiga yo’llanmani qo’lga kiritdi.

    Talabalar teatr studiyalari festivalining hududiy bosqichilari joriy yilning may oyida Farg’ona davlat universiteti, O’zbekiston davlat san’at va madaniyat instituti,  Toshkent moliya instituti, Samarqand davlat universiteti, Navoiy davlat pedagogika instituti, Qoraqalpoq davlat universitetlarida 6 ta guruhga bo’lingan holda saralash bosqichida g’oliblikni qo’lga kiritgan jamoalar ishtirokida o’tkazildi.

      BuxDU ning “FITRAT” teatr jamoasi Navoiy davlat pedagogika institutida bo’lib o’tgan yarim final bosqichida ham o’z sahna asarlari bilan hammani lol qoldirib 1-o’rin g’olibi bo’lishdi va yana “Eng yaxshi spektakl” nominatsiyasi bizning jamoaga nasib etdi. Endi ahli “FITRAT”ni oldinda respublika bosqichi kutib turardi.

    BuxDU ning “FITRAT” jamoasi respublika bosqichiga qattiq tayyorgarlik ko’rishdi. Jamoaga filologiya fakulteti o’qituvchisi professor O’rayeva Darmonoy Saidahmedovna rahbarlik qildilar. Jamoa a’zolari filologiya fakulteti talabalari

To’xtayev Shuhrat, Sayfiddinova Nodira, Sadullayeva Durdona, Sharopov Jamshid, Ismatov Feruz , Pirimov Shamsiddin, Abbosov Toshpo’lat, Mavlonov Shavkat, Mamanazarov Sunnat, Qo’chqorov Bekzodlardan iborat edi.

    “Talabalar teatr studiyalari” festivalining respublika bosqichida O‘zMUning “Xumo”, Jahon iqtisodiyoti va diplomatiya universitetining “Diplomat”, Qarshi davlat universitetining “Ziyo”, Qoraqalpoq davlat universitetining “Jayxun”, Toshkent tibbiyot akademiyasi Farg’ona filialining “Nastarin” va bizning, BuxDU ning “Fitrat” talabalar teatr studiyalari ishtirok etishdi. Joriy yilning 18-20-oktabr kunlari “Muqimiy” nomidagi O’zbekiton davlat musiqali teatrida oliy ta’lim muassasalarining “Talabalar teatr studiyalari” festivalining yakuniy respublika bosqichi o’tkazildi. Jamoalar chiqishi besh nafar hakamlar hay’ati a’zolar tomonidan baholab borildi. Ular orasida O‘zbekiston xalq artisti Mirza Azizov,  taniqli aktyor Jumadulla Rametov va rejissyor Baxtiyor Egamberdiyevlar ham bor edi. Universitetimiz talabalari respublika bosqichida ham faol ishtirok etib bu gal ham g’olib bo‘lish maqsadida bor mahoratlarini ishga solishdi va qattiq mehnat qilishdi. “Fitrat” ahlini respublika bosqichigacha olib kelgan , talabalarga o’zgacha bir ishtiyoq, zavq va o’zlariga bo’lgan ishonchning ortishida yaqindan yordam bergan jamoaning jonkuyar rahbari O’rayeva Darmonoy Saidahmedovna chinakamiga jamoani birlashtira oldilar. Ustozning respublika bosqichida ham talabalar bilan birga bo’lib, o’z ko’mak va maslahatlarini ayamasdan qo’llab-quvvatlaganlari, albatta, tahsinga loyiqdir.  

   BuxDU ning “Fitrat” jamoasi 20-oktabr kuni o’zlarining “Vijdon azobi” nomli spektakllarini namoyish etishdi. Ushbu sahna asari O’tkir Hoshimovning “Tushda kechgan umrlar” romani asosida ishlangan insijirovka bo’lib,  professor Darmonoy O‘rayeva va jamoa a’zolari tomonidan   sahnalashtirilgan. Sahna asari g’oyasida vatanga muhabbat, sotqinlikni, adolatsizlikni qoralash, oila sha’ni, qadr-qimmati , iymon-e’tiqod va or-nomus masalasi yetakchilik qiladi.

   Universitetimiz talabalari sahnada bor mahoratlarini ishga solib chinakam aktyorlardan qolishmagan holda o’z rollarini qoyilmaqom qilib ijro etishdi. “Fitrat” jamoasi o’z chiqishini yakunlagandan so’ng butun “Muqimiy” teatridagi tomoshabinlar o’rinlaridan turib, ko’zlarida yosh bilan talabalarimizni olqishlashdi.

“Muqimiy” nomidagi O’zbekiston davlat musiqali drama teatrida, qanchadan-qancha mashhurlar, taniqli aktyor va aktrisalar rol ijro etgan va etadigan sahnada bizning universitetimiz talabalari ham chiqishdi. Haqiqatdan ham bu hazilakam gap emas. Nafaqat universitetimizdagi minglab talabalari , balki  O’zbekistondagi millionlab talabalar orasidan aynan ular saralab olindi va shu sahnaga chiqishga loyiq ko’rildi. Ahli “FITRAT” esa buni uddaladi.

    20-oktabr kuni “Talabalar teatr studiyalari” festivalining taqdirlash marosimi bo’lib o’tdi. Hakamlar hay’ati qaroriga ko’ra BuxDU  ning “FITRAT” jamoasi faxrli 2-o’rinni qo’lga kiritdi.

    Garchi 1-o’rinni egallamagan bo’lsak ham, respublika bosqichigacha kelishning va mashhur sahnalarda rol ijro etishning o’zi g’oliblikdir.

   7-8-noyabr kunlari“Sevimli” telekanalida doimiy berib boriladigan “Xayrli oqshom” ko’rsatuvida “Talabalar kuni” munosabati bilan “Sahnada talabalar” proyekti suratga olindi. Ushbu ko’rsatuvda “Talabalar teatr studiyalari” festivalida faol ishtirok etgan talabalar taklif etildi. Ular orasida BuxDU filologiya fakulteti talabalari Sharopov Jamshid va Sa’dullayeva Durdona ham taklif etilgan bo’lib, ko’rsatuvning suratga olish jarayonlarida ishtirok etishdi. “Sevimli” telekanali ijodkorlari talabalar bilan festivaldan olgan taasurotlari haqida davra suhbati uyushtirishdi. Ko’rsatuv 26-27-noyabr kunlari soat 19:30 efirga uzatilishi aytib o’tildi.

    “Fitrat” jamoasi talabalari universitetimiz yutuqlarini yana bittaga ko’paytirishda o’z hissalarini qo’shishdi. Talabalarimizga keyingi o’qish va ishlarida omad va zafarlar tilaymiz.

   

Bux.Du filologiya fakulteti 2-bosqich

talabasi Sa’dullayeva Durdona Lazizjon qizi

Bog`lanish

Muljal: Buxoro viloyat hokimligi binosi

Transportlar: 6,76,33,75,86,88-avtobuslarning “Olmos” kafesi bekati, 72,25,37,11- avtobuslarning “Universitet yotoqxonasi” bekati.
Ish kunlari: Dushanbadan-Shanbagacha
Ish vaqtlari: 8:30 dan-16:30 gacha 
Bukhara 
Uzbekistan, Bukhara 
200114 
Uzbekistan 
Email:bsu_info@edu.uz Phone:0(365) 221-29-14 Fax:8(365) 221-27-07

Revkvizitlar

Молия вазирлиги ғазначилиги              

Ҳисоб рақами: 23402000300100001010 

МФО:00014  ИНН: 201122919        

МарказийбанкХККМТошкент ш.

(БухДУ:400910860064017950100079002)                   

ИНН: 201504275

Тулов максадида ФИО (уникал код езилади)

 

Xarita

 

Biz ijtimoiy tarmoqlarda

   

 

Top
BuxDU ATM tomonidan ishlab chiqildi.
Click to listen highlighted text! Powered By GSpeech