Buxoro davlat universiteti rasmiy web sayti - Tub islohotlar samarasi
Welcome to Buxoro davlat universiteti rasmiy web sayti   Click to listen highlighted text! Welcome to Buxoro davlat universiteti rasmiy web sayti Powered By GSpeech
  • E`lonlar
  • Eng ko`p o`qilgan

Tub islohotlar samarasi

Joriy yilning  5 iyunida O‘zbekiston Respublikasi Prezidentining «Oliy ta’lim muassasalarida ta’lim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini ta’minlash bo‘yicha qo‘shimcha chora-tadbirlar to‘g‘risida»gi PQ-3775-sonli qarori qabul qilindi. SHu qaror ijrosini ta’minlash maqsadida O‘zbekiston Respublikasi oliy va o‘rta maxsus ta’lim vazirligining (2018 yilning 8 iyunidagi 512-son bo‘yrug‘i asosida) belgilagan chora-tadbirlarida–

–talabalar bilimini baholash mezonlarini uzluksiz ta’lim tizimiga muvofiqlashtirish va shu asosda talabalar bilimini baholashning zamonaviy, adolatli hamda shaffof bo‘lishini ta’minlash;

–«talabaning o‘zlashtirish darajasi–professor-o‘qituvchilar faoliyatini baholashning asosiy mezoni» tamoyiliga qat’iy rioya etish, hattoki talabalari saviyasiga javob bermaydigan professor-o‘qituvchilar bilan mehnat shartnomasini bekor qilishgacha bo‘lgan choralarni ko‘rish;

–OTM professor-o‘qituvchilarining asosiy kuchini ta’lim sifat va samaradorligini oshirishga safarbar etish;

–ilmiy-tadqiqot ishlarini alohida qo‘llab quvvatlash;

–davlat va jamiyat hayotida ro‘y berayotgan o‘zgarishlar hamda tub islohotlar mazmun-mohiyatini televidenie va boshqa OAV orqali keng ommaga etkazishda OTM professor-o‘qituvchilarining doimiy faolligini ta’minlash kabi qator vazifalar ko‘rsatib o‘tildi. 

    Oliy ta’lim muassasalarida ta’lim sifatini tubdan takomillashtirish, ularning mamlakatda amalga oshirilayotgan keng qamrovli islohotlarda faol ishtirokini ta’minlash, shuningdek, 2017-2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasida belgilangan vazifalarni izchil amalga oshirish maqsadida belgilangan mazkur kengqamrovli vaziflar OTMning har bir professor-o‘qituvchisi zimmasiga alohida mas’uliyat yukladi.

    

Qarorning ijrosini ta’minlash, eng avvalo, OTM professor-o‘qituvchilarini ularning vazifalari va faoliyat yo‘nalishlari bilan bog‘liq bo‘lmagan yig‘ilishlarga hamda boshqa tadbirlarga jalb etmaslikdan boshlangani ko‘pchiligimizni quvontirdi. Qachonki, har bir xodim, har bir mutaxassis o‘z ishi bilan chin dildan shug‘ullangandagina ko‘zlangan maqsadga erishilishi hech birimiz uchun sir emas. Xalqimiz topib e’tirof etganidek, ota-ona farzandni dunyoga keltiruvchi va unga shu dunyo mo‘‘jizalarini ko‘rsatuvchi zotlar bo‘lsa, ustoz uni fikran ulug‘likka eltuvchi, komillik sari etaklovchi va shu asnoda ikki dunyo saodatidan bahramand etguvchi zotdir. Bugun yurtimizda ta’lim tizimida amalga oshirilayotgan tub o‘zgarishlarning zamirida o‘qituvchining, tom ma’noda, ustoz darajasiga ko‘tarilishi, shu mavqeni doimiy saqlab qolishi, dunyoga bo‘ylasha oladigan shogirdlar tayyorlashi va buning uchun uning o‘zi ham tinimsiz o‘z ustida ishlashi va, ayni paytda, davlat, jamiyat hayotida  ro‘y berayotgan ijobiy  o‘zgarishlarning tashabbuskori, targ‘ibotchisi, amaliyotchisi bo‘lishi zarurligi nazarda tutilmoqda.

E’tirof etish zarurki, shu kecha-kunduzda ustoz degan ulug‘ nom va maqomning milliy qadriyat sifatida e’zozlanishiga yana yo‘l ochib berildi. YUrt rahbarining: «O‘qituvchini hurmat qilmaganni, men ham hurmat qilmayman», degan so‘zlari ta’limning barcha tizim va bosqichlaridagi  pedagog-murabbiylar, professor-o‘qituvchilar qalbida to‘planib qolgan g‘uborlarini tarqatib yuborgandek bo‘ldi.

Bilamizki, barcha davrlarda ham farmon va qarorlar qog‘ozdan chiqib hayotga yo‘llanma olsagina, ya’ni hayotga tatbiq etilsagina natija beradi. Shu ma’noda, o‘qituvchilar mehnatini qadrlash va ularni har tomonlama qo‘llab quvvatlash to‘g‘risidagi qarorlarning ijrosi biz pedagoglarning fidokorona va samarali mehnatlarimizga, qonunlar doirasidagi ijobiy faoliyatimizga bog‘liqdir. Demak, o‘qituvchi mehnatiga hukumat darajasida e’tibor qaratilayotgan ekan, endi xato qilishga haqimiz yo‘q.

Hozirda BuxDU filologiya fakulteti o‘zbek tilshunosligi kafedrasida 18 nafar professor-o‘qituvchi faoliyat ko‘rsatmoqda. Davlat, jamiyat hayotidagi, ta’lim tizimidagi yuqorida sanab o‘tilgan o‘zgarishlar hamda tub islohotlar mazmunini, mas’uliyatini chuqur his etgan kafedra a’zolarining aksariyati fan doktori, fan nomzodlari, dotsentlar bo‘lib, ular o‘zlarining ta’lim-tarbiya, ilmiy-tadqiqot,  «ustoz-shogird» ishlarini belgilangan talablar asosda tashkil etishga harakat qilishmoqda.

Joriy yilning o‘tgan to‘rt oyi mobaynida kafedraning ikki a’zosi (Abuzalova Mehriniso Qodirovna hamda Saidov Yoqub Siddiqovich) doktorlik dissertatsiyalarini muvaffaqiyatli himoya qilishdi va OAK tomonidan tasdiqlangan filologiya fanlari doktori faxriy diplomlarini qo‘lga kiritishdi. Bir nafar o‘qituvchi (Toirova Guli Ibragimovna) filologiya bo‘yicha falsafa fanlari doktori (PhD) maqomiga erishdi. Kafedraning yana bir yosh a’zosi (Hamroeva Shahlo Mirjonovna)ning o‘zbek tilining lingvistik korpusini yaratish bo‘yicha tayyorlangan ilmiy ishi (PhD) himoya kengashiga topshirildi.

     

 

Yo‘ldosheva Dilorom Ne’matovna,

                                                 BuxDU filologiya fakulteti

 o‘zbek tilshunosligi kafedrasi dotsenti,

                              pedagogika fanlari nomzodi

Bog`lanish

Muljal: Buxoro viloyat hokimligi binosi

Transportlar: 6,76,33,75,86,88-avtobuslarning “Olmos” kafesi bekati, 72,25,37,11- avtobuslarning “Universitet yotoqxonasi” bekati.
Ish kunlari: Dushanbadan-Shanbagacha
Ish vaqtlari: 8:30 dan-16:30 gacha 
Bukhara 
Uzbekistan, Bukhara 
200114 
Uzbekistan 
Email:bsu_info@edu.uz Phone:0(365) 221-29-14 Fax:8(365) 221-27-07

Revkvizitlar

Молия вазирлиги ғазначилиги              

Ҳисоб рақами: 23402000300100001010 

МФО:00014  ИНН: 201122919        

МарказийбанкХККМТошкент ш.

(БухДУ:400910860064017950100079002)                   

ИНН: 201504275

Тулов максадида ФИО (уникал код езилади)

 

Xarita

 

Biz ijtimoiy tarmoqlarda

   

 

Top
BuxDU ATM tomonidan ishlab chiqildi.
Click to listen highlighted text! Powered By GSpeech