Buxoro davlat universiteti rasmiy web sayti - Ilk Xalqaro olimpiada
Welcome to Buxoro davlat universiteti rasmiy web sayti   Click to listen highlighted text! Welcome to Buxoro davlat universiteti rasmiy web sayti Powered By GSpeech
  • E`lonlar
  • Eng ko`p o`qilgan

Ilk Xalqaro olimpiada

2018-yilning 28-30-oktabr kunlari Urganch davlat universitetida ilk marotaba Oliy ta’lim muassasalari talabalari o‘rtasida Al-Xorazmiy nomli yosh matematiklarning Xalqaro olimpiadasi o‘tkazildi.

Ushbu nufuzli Xalqaro olimpiadani tashkil etish tashabbusi O‘zbekiston Respublikasi Prezidenti Shavkat Mirziyoyev tomonidan 2017- yilning sentabr oyida Qozog‘istonning Ostona shahrida bo‘lib o‘tgan Islom hamkorlik tashkilotining Fan va texnologiyalar bo‘yicha birinchi sammitida ilgari surilgan hamda sammit ishtirokchilari tomonidan minnatdorchilik bilan qabul qilingan edi. Vazirlar Mahkamasining 2018-yil 26-avgustdagi qarori bilan oliy ta’lim muassasalari talabalari o‘rtasida har ikki yilda bir marta matematika bo‘yicha Muhammad Xorazmiy nomidagi Xalqaro olimpiadani tashkil etish belgilangan. 

Muhammad al-Xorazmiy nomidagi Xalqaro olimpiadani tashkil etishdan ko‘zlangan asosiy maqsad – buyuk allomaning jahon ilm-fani va sivilizatsiyasi rivojiga qo‘shgan ulkan hissasini xalqaro miqyosda targ‘ib etish, qolaversa, iqtidorli talabalarni qo‘llab-quvvatlash, ularni fundamental va aniq fanlar bilan shug‘ullanishga keng jalb etish hamda ilm-fan yo‘lida xalqaro hamkorlikni kengaytirishdan iboratdir.

          

O‘zbekistonlik talabalar shu kunga qadar ko‘p marotaba Xalqaro matematika olimpiadalarida muvaffaqiyatli ishtirok etishgan, biroq mamlakatimiz talabalar o‘rtasida o‘tkaziladigan o‘zining nufuzli Xalqaro olimpiadasiga ega bo‘lmaganligini ta’kidlab o‘tish joiz. Muhammad al-Xorazmiy nomidagi Xalqaro olimpiada tarixning yangi sahifasi bo‘lib, O‘zbekistonning dunyo hamjamiyatida nufuzi tobora ortib borayotganini ko‘rsatadi. 

Nufuzli Xalqaro olimpiadada Eron Islom Respublikasi, Armaniston, Bolgariya, Chexiya, Estoniya, Mongoliya, Belorusiya, Sloveniya, Omon, Ukraina, Birlashgan Arab Amirligi, Buyuk Britaniya, Qirg‘iziston, Xitoy Xalq Respublikasi, Qozog‘iston, Tojikiston, Rossiya Federatsiyasi, Malayziya, Turkmaniston Respublikasining bir qator universitetlari jamoalari hamda O‘zbekiston Respublikasining 21 ta oliy ta’lim muassasalari jamoalari ishtirok etdilar. Shunday qilib, dunyoning 20 mamlakatidagi 58 ta universitetidan 334 nafar (225 nafar talaba va 109 nafar rahbar) ishtirokchi olimpiada qatnashchilari bo‘lishdi.

Mazkur olimpiadada Buxoro davlat universiteti jamoasi quyidagi tarkib bilan ishtirok etdi.

  1. Rasulov To‘lqin Husenovich – jamoa rahbari, Matematika kafedrasi dotsenti, fizika-matematika fanlari nomzodi, dotsent.
  2. Babayev Samandar Samiyevich – ilmiy maslahatchi, Axborot texnologiyalari kafedrasi o‘qituvchisi.
  3. Boymurodov Sobir Inoyatillo o‘g‘li – a’zo, Matematika ta’lim yo‘nalishi 1-1MAT-17- guruh talabasi.
  4. Hamroyev Abdulmalik Kudratovich – a’zo, Matematika ta’lim yo‘nalishi 1-2MAT-17- guruh talabasi.
  5. Axadov Abduraxmon Abdurashidovich – a’zo, Matematika ta’lim yo‘nalishi 1-2MAT-17- guruh talabasi.
  6. Yarashov Ixtiyor Baxtiyor o‘g‘li – a’zo, Amaliy matematika va informatika ta’lim yo‘nalishi 1-2PM-17 guruh talabasi.

2018- yil 28- oktabr kuni Xalqaro olimpiada ishtirokchilari Xiva shahridagi Ichan-qal’aga tashrif buyurdilar.

I Xalqaro olimpiadaning tantanali ochilish marosimi 2018- yil 29- oktabr kuni bo‘lib o‘tdi. Unda Oliy va o‘rta maxsus ta’lim vaziri Inomjon Majidov, O‘zbekiston Respublikasi Fanlar Akademiyasi matematika instituti direktori Shavkat Ayupovlar barchani mazkur tadbirning ochilishi munosabati bilan qutlab, ishtirokchilarga omad tiladilar. Shuningdek, Italiya davlati Piza universiteti professori, Bartolotssi mukofoti sohibi Marko Abate Xalqaro olimpiada qatnashchilariga onlayn tabrik yo‘lladi. Olimpiada ochilish marosimida O‘zbekiston Fanlar Akademiyasi akademiklaridan Shavkat Ayupov, Azimbay Sa’dullayev, Abdulla A’zamov, Saidaxmat Laqayevlarning ishtiroki olimpiada nufuzini oshirdi.

Olimpiadaning asosiy qismi ham 2018- yil 29-oktabr kuni Urganch shahridagi “Yoshlik” sport majmuasida bo‘lib o‘tdi. Olimpiada nizomiga ko‘ra ishtirokchilarga algebra, matematik tahlil, geometriya, kombinatorika yo‘nalishlariga oid beshta matematik masalalar va ularni yechish uchun besh soat vaqt berildi. Har bir masala yengil, o‘rta, og‘ir darajada ball bilan baholandi. Sinovlarni matematika fanidan dunyoning taniqli xalqaro darajadagi ekspertlari, MDH davlatlarining professor-o‘qituvchilari va yurtimizning tajribali professor-olimlari, mahoratli amaliyotchi o‘qituvchilaridan iborat hakamlar hay’ati kuzatib bordi.

2018- yil 29-oktabrning ikkinchi yarmida Xalqaro olimpiada ishtirokchilari Xiva shahridagi Ichan-qal’aga, Urganch shahridagi Muhammad al-Xorazmiy maydoniga tashrif buyurishdi va alloma haykali poyiga gulchambarlar qo‘yishdi.

Olimpiada yakunlariga ko‘ra, 66 nafar ishtirokchi medallar bilan taqdirlandi (14 ta oltin, 23 ta kumush va 29 ta bronza).

Xalqaro olimpiadada shaxsiy hisobda eng yaxshi natija qayd etgan talabalar:

1-o‘rin: Xao Ran Vang , Pekin universiteti (Xitoy);

2-o‘rin: Ali Daei Nabi, Sharif  Texnologiya universiteti (Eron);

3-o‘rin: Ming Xuiou Yang, Pekin universiteti (Xitoy);

4-o‘rin: Tolibjon Ismoilov, O‘zMU (O‘zbekiston).

Umumjamoa hisobida quyidagi universitetlar g‘oliblikni qo‘lga kiritishdi:

1-o‘rin: Pekin universiteti – 4 nafar talaba 4 ta medal (3 ta oltin, 1 ta kumush);

2-o‘rin: O‘zbekiston Milliy universiteti  – 4 nafar talaba 4 ta medal (3 ta oltin, 1 ta bronza);

3-o‘rin: Tartu universiteti (Estoniya) – 4 nafar talaba 4 ta medal (1 ta oltin, 3 ta kumush);

4-o‘rin: Maxtumquli nomidagi Turkman davlat universiteti – 4 nafar talaba 4 ta medal (1 ta oltin 3 ta kumush).

Pekin universiteti talabasi Xao Ran Vang 40 balldan 40 ball to‘plab, xalqaro olimpiadaning maxsus sovrini sohibiga aylandi. Bundan tashqari, 30 ta universitetlar vakillari turli darajadagi medallarni qo‘lga kiritdilar. G‘oliblarga medal va diplomlar berildi. Olimpiadaning boshqa ishtirokchilariga rag‘batlantiruvchi yorliqlar hamda olimpiadadagi ishtirokini tasdiqlovchi sertifikatlar topshirildi. Xususan, Buxoro davlat universiteti Fizika-matematika fakulteti Matematika ta’lim yo‘nalishi 1-1MAT-17- guruh talabasi Boymurodov Sobir Inoyatillo o‘g’li ham rag’batlantiruvchi yorliq sohibi bo‘ldi.

Muhammad al-Xorazmiy nomidagi xalqaro olimpiadada g’oliblikni qo‘lga kiritgan o‘zbekistonlik talabalarga matematika, fizika, axborot texnologiyalari yo‘nalishlari bo‘yicha magistraturaga kvotadan tashqari davlat granti asosida kirish huquqi beriladi. Olimpiada g’olibi ushbu huquqdan oliy ta’lim muassasasida bakalavriatni tugatganidan keyingi uch yil davomida foydalanish mumkin.

      Olimpiadaning yopilish marosimida navbatdagisi Samarqand shahrida o‘tkazilishi e’lon qilindi.

   

      

BuxDU matbuot kotibi

 

 

Bog`lanish

Muljal: Buxoro viloyat hokimligi binosi

Transportlar: 6,76,33,75,86,88-avtobuslarning “Olmos” kafesi bekati, 72,25,37,11- avtobuslarning “Universitet yotoqxonasi” bekati.
Ish kunlari: Dushanbadan-Shanbagacha
Ish vaqtlari: 8:30 dan-16:30 gacha 
Bukhara 
Uzbekistan, Bukhara 
200114 
Uzbekistan 
Email:bsu_info@edu.uz Phone:0(365) 221-29-14 Fax:8(365) 221-27-07

Revkvizitlar

Молия вазирлиги ғазначилиги              

Ҳисоб рақами: 23402000300100001010 

МФО:00014  ИНН: 201122919        

МарказийбанкХККМТошкент ш.

(БухДУ:400910860064017950100079002)                   

ИНН: 201504275

Тулов максадида ФИО (уникал код езилади)

 

Xarita

 

Biz ijtimoiy tarmoqlarda

   

 

Top
BuxDU ATM tomonidan ishlab chiqildi.
Click to listen highlighted text! Powered By GSpeech