Buxoro davlat universiteti rasmiy web sayti - Ichki turizm – ma’naviy targ‘ibot maydoni
Welcome to Buxoro davlat universiteti rasmiy web sayti   Click to listen highlighted text! Welcome to Buxoro davlat universiteti rasmiy web sayti Powered By GSpeech
  • E`lonlar
  • Eng ko`p o`qilgan

Ichki turizm – ma’naviy targ‘ibot maydoni

Turizm industriyasi, xususan ichki turizm yurtimiz iqtisodiyotining muhim tarmog‘i hisoblanadi. Mamlakatimizning har bir hududi o‘ziga xos turistik jozibaga ega. Qadim o‘tmishdan so‘zlovchi tarixiy yodgorliklarni ko‘rish, boy merosimizni o‘rganish  har bir kishida milliy o‘zlikni anglash, an’ana va qadriyatlarga hurmat tuyg‘usini shakllantiribgina qolmay, o‘z vatani tarixini bilishga, ajdodlar merosini o‘rganish orqali shu yurt farzandi ekanligidan faxr, g‘urur tuyg‘ularini rivojlantiradi.

Chunonchi, O‘zbekiston Respublikasi Prezidentining 2018 yil 7 fevraldagi “Ichki turizmni jadal rivojlantirishni ta’minlash chora-tadbirlari to‘g‘risida”gi PQ-3514-sonli qarori ijrosini ta’minlash,  Oliy va o‘rta maxsus ta’lim  vazirligining  2018 yil  12 fevraldagi 146-sonli buyrug‘i hamda Buxoro viloyati hokimining 2018 yil 7 mart 5/1136-sonli xatining ijrosini ta’minlash maqsadida Buxoro davlat universiteti  ma’muriyati va xodimlar va talabalar kasaba uyushma qo‘mitasi tomonidan “O‘qituvchi va murabbiylar kuni” munosabati bilan  Xorazm viloyatiga (Xiva, Urgench)  50 nafar professor-o‘qituvchilar, ishchi-xodimlarning uyushgan holda  2 kunlik  sayohatini tashkil etdi.

Sayohatchilar dastlab Xorazm viloyati markazi Urganch shahrida bo‘lib, shaharda amalga oshirilgan bunyodkorlik ishlari, xiyobonlar, muassasalar va muzeylar bilan  tanishdilar. Ikkinchi kuni Xiva shahri bilan tanishdilar. Xiva – eng qadimiy shaharlardan biri bo‘lib, O‘rta asr Sharq me’morchiligining tengsiz javohiridir.  Xiva shahridagi  “Ichan qala” majmuasining loy suvoq qilingan devorlari haybatidan inson aqli hayratga tushadi.  Buyuk bobokalonimiz Amir Temurning “…bizning kimligimizni bilmoqchi bo‘lganlar biz bunyod qilgan imoratlarni ko‘rsin…” degan so‘zlari daf’atan ko‘nglingizdan kechadi. Ushbu qadim va navqiron shaharga tashrif buyurar ekanmiz, ajdodlarimiz tomonidan bunyod etilgan minora-yu masjidlar,  xonaqoh hamda maqbaralarning salobati va mahobati kishini lol qoldiradi.

            Xorazmga qilingan sayohat davomida Orolbo‘yi ekologik mintaqasi bilan yaqindan tanishish imkoniyatiga ega bo‘ldik. "Ochiq osmon ostidagi muzey” deb nomlangan qadimiy shahar - Xivada joylashgan me’moriy yodgorliklar “Ichan-Qal’a”, “Tosh hovli”, “Deshon Qal’a”da bo‘lib, O‘zbekistondagi eng baland minora Islom-Xo‘ja minorasiga chiqib ko‘rdik. “Ichan Qal’a”ning baland devorlar bilan o‘ralganligini ko‘rib, xuddi xaqiqiy sharq ertaklari kabi shahar ko‘rkiga maftun bo‘lib, katta taassurotlar bilan qaytdik. Buyuk ipak yo‘lining markaziy shaharlaridan biri bo‘lmish Xivani tomosha qilar ekanmiz, bu ko‘hna shaharning sharqona ruhini his qildik.

Mannon Otaboy

BuxDU: matbuot kotibi

Bog`lanish

Muljal: Buxoro viloyat hokimligi binosi

Transportlar: 6,76,33,75,86,88-avtobuslarning “Olmos” kafesi bekati, 72,25,37,11- avtobuslarning “Universitet yotoqxonasi” bekati.
Ish kunlari: Dushanbadan-Shanbagacha
Ish vaqtlari: 8:30 dan-16:30 gacha 
Bukhara 
Uzbekistan, Bukhara 
200114 
Uzbekistan 
Email:bsu_info@edu.uz Phone:0(365) 221-29-14 Fax:8(365) 221-27-07

Revkvizitlar

Молия вазирлиги ғазначилиги              

Ҳисоб рақами: 23402000300100001010 

МФО:00014  ИНН: 201122919        

МарказийбанкХККМТошкент ш.

(БухДУ:400910860064017950100079002)                   

ИНН: 201504275

Тулов максадида ФИО (уникал код езилади)

 

Xarita

 

Biz ijtimoiy tarmoqlarda

   

 

Top
BuxDU ATM tomonidan ishlab chiqildi.
Click to listen highlighted text! Powered By GSpeech